Ioga ashtanga vinyasa

Ioga ashtanga vinyasa

Efallai bod yr enw ioga ashtanga wedi'i gymeryd o enw'r asana Ashtanga Namaskara, osgo tebyg i'r asana Surya Namaskar a welir yma
Math	ioga
Ffeiliau perthnasol ar Gomin Wicimedia

Arddull neu ysgol o ioga yw Ioga Ashtanga Vinyasa, sydd hefyd yn ymarfer corff a boblogeiddiwyd gan K. Pattabhi Jois yn ystod yr 20g; yn aml, fe'i hyrwyddwyd fel ffurf modern o ioga Indiaidd clasurol.^[1] Honnodd Jois ei fod wedi dysgu'r system gan ei athro, Tirumalai Krishnamacharya. Mae'r arddull yn egnïol ac yn cydamseru anadl â symudiad. Mae'r ystumiau unigol (a elwir yn asanas) yn cael eu cysylltu a'i gilydd drwy symudiadau'n llifo o un i'r llall (Vinyāsa), mewn cyfres^[2]

Sefydlodd Jois 'Sefydliad Ymchwil i Ioga Ashtanga' yn 1948.^[3] Gelwir y dull presennol o addysgu yn arddull Mysore ar ôl y ddinas yn India lle dysgwyd yr ymarfer yn wreiddiol.^[4] Mae ioga ashtanga vinyasa wedi arwain at wahanol arddulliau o Ioga Llawn Egni (Power Yoga).

1. ↑ "Ashtanga Yoga Background". Ashtanga Yoga. Archifwyd o'r gwreiddiol ar 25 Gorffennaf 2011. Cyrchwyd 2011-08-20.
2. ↑ "Ashtanga Yoga". Yoga Journal. Cyrchwyd 19 Mai 2019.
3. ↑ Lewis, Waylon (18 Mehefin 2009). "Pattabhi Jois, Founder of Ashtanga Yoga, Passes Away at Age 93". Huffington Post.
4. ↑ "Mysore Style". Jois Yoga. 2013-02-17. Archifwyd o'r gwreiddiol ar 2019-03-08. Cyrchwyd 2019-03-07.